Rasijski hienierał: U Prydniastroŭi adznačajucca fakty pryciaśnieńnia ruskamoŭnaha nasielnictva
Rasijskaje vojska padčas druhoha etapa vajny suprać Ukrainy pavinna ŭstanavić poŭny kantrol nad Danbasam, piša TASS. Navošta heta Rasii? Aryhinalnaje tłumačeńnie daŭ namieśnik kamandujučaha Centralnaj vajennaj akruhi.
22.04.2022 / 11:55
Kantrol nad Danbasam dazvolić stvaryć suchaputny kalidor u Krym i ŭździejničać na žyćciova važnyja abjekty USU, adznačyŭ jon.
Kantrol nad poŭdniem Ukrainy daść armii Rasii vychad u Prydniastroŭje, dzie «adznačajucca fakty pryhniotu ruskamoŭnaha nasielnictva», zajaviŭ rasijski hienierał.
Hety arhumient hučyć dziŭna z ulikam taho, što samaabvieščanaje Prydniastroŭje i tak znachodzicca pad poŭnym faktyčnym kantrolem Rasii, i ruskaj movie tam ničoha pahražać nie moža.
Situacyju ŭ niepryznanaj respublicy kantraluje rasijskaja 14-ja armija, a kiraŭnictva tak zvanaj «respubliki» całkam łajalnaje da Rasii.
Imavierna, rasijskija vajskoŭcy takimi zajavami pahražajuć Małdovie.