Borys Džonsan dapuskaje, što vajna moža praciahnucca da kanca 2023 hoda
Premjer-ministr Vialikabrytanii zajaviŭ, što jość «realnaja vierahodnaść» taho, što vajna va Ukrainie moža praciahnucca da kanca 2023 hoda. Takoje mierkavańnie jon vykazaŭ, adkazvajučy na pytańnie žurnalistaŭ u Ńju-Deli pra toje, ci zhodny jon z acenkami zachodniaj raźviedki, jakija kažuć, što bajavyja dziejańni mohuć zaciahnucca da kanca nastupnaha hoda, piša «Bi-bi-si».
22.04.2022 / 17:56
Borys Džonsan z Uładzimiram Zialenskim u Kijevie. Fota Ofisa prezidenta Ukrainy
Džonsan adkazaŭ taksama, što jość vierahodnaść taho, što Rasija moža vyjści pieramožcaj z vajny.
«U Pucina vielizarnaja armija», — skazaŭ Džonsan, adznačyŭšy pry hetym, što rasijski lidar znachodzicca ŭ «składanaj palityčnaj pazicyi, bo dapuściŭ katastrafičnuju pamyłku».
«U jaho, padobna, nie zastałosia inšaha vyjścia, akramia jak sprabavać i dalej vymotvać ukraincaŭ biaskoncymi artyleryjskimi abstrełami», — skazaŭ brytanski premjer, dadaŭšy, što ŭ Pucina nie atrymajecca «złamać duch ukrainskaha naroda».