Polšča ŭviała sankcyi suprać 50 rasijskich i biełaruskich jurasob. Siarod ich kampanija, jakaja naležyć «Biełarusnafcie», i BNK
Polšča ŭviała nacyjanalnyja sankcyi ŭ dačynieńni da 50 biełaruskich i rasijskich asob. Rašeńnie pryniataje na padstavie niadaŭna zacvierdžanaha zakona ab abmiežavalnych mierach, jakija ŭklučajuć zamarožvańnie aktyvaŭ.
26.04.2022 / 12:20
Pra heta na pres-kanfierencyi zajaviŭ ministr unutranych spraŭ i administracyi krainy Maryjuš Kamiński.
Pavodle jaho słoŭ, u pieralik trapili kampanii, jakija zajmalisia pastaŭkami rasijskich enierharesursaŭ u Polšču, a taksama pradpryjemstvy, źviazanyja z fihurantami sankcyjnych śpisaŭ JeS, paviedamlaje Reform.by.
— Taksama ŭ hetym śpisie buduć pradpryjemstvy i aliharchi, źviazanyja z režymam Łukašenki, režymam, jaki padtrymlivaje vajnu va Ukrainie, ahresiju Rasii suprać Ukrainy, jaki parušaje pravy čałavieka, adkazny za represii suprać svajho naroda. Pradstaŭnikom takich kampanij u śpisie budzie kampanija BELOIL Polska, jakaja pastaŭlaje matornyja alivy i zvadkavany paliŭny haz, — skazaŭ Kamiński
Ministr patłumačyŭ, što sankcyi praduhledžvajuć zamarožvańnie rachunkaŭ, admovu ŭ kaciroŭcy akcyj, u vypadku aliharchaŭ — zabaronu na ŭjezd. Kamiński adznačyŭ, što vyjaŭleńnie rasijskich aktyvaŭ u Polščy praciahniecca.
Usiaho ŭ pieraliku 50 padsankcyjnych asob, u tym liku 15 čałaviek i 35 kampanij. Abmiežavalnyja miery nabyli moc 26 krasavika.
Z kampanij, źviazanych z Biełarussiu, u śpis uklučanaja BELOIL Polska, jakaja naležyć «Biełarusnafcie» i BNK (Biełaruskaja naftavaja kampanija). Buduć zamarožanyja ich rachunki i aktyvy, jany nie zmohuć ŭdzielničać u dziaržzakupkach.
U pieralik uklučanyja:
Taćciana Bakalčuk, ułaśnica Wildberries;
Aleh Dzierypaska;
Michaił Frydman;
Michaił Huceryjeŭ;
Sait-Sałam Huceryjeŭ;
Viačasłaŭ Kantar;
Jaŭhien Kaśpierski;
Alaksandra i Andrej Mielničenka;
Alaksiej Mardašoŭ;
Alaksiej Niačajeŭ;
Barys Nurałijeŭ, kiraŭnik «1S»;
Cimur Rašydaŭ;
Ihar Siečyn;
Viktar Vieksielbierh;
Sankcyi ŭ dačynieńni da kampanij raspaŭsiudžvajucca ŭ tym liku na:
«Akron»,
źviazanyja z Nurałijevym polskija jurydyčnyja asoby «Aksijoma», «FosAhro»,
dystrybutara «SUEK barter na vuhal» i inšyja polskija jurydyčnyja asoby SUEK,
«Jeŭrachim» Polšča,
polskija jurydyčnyja asoby «Fabierlik»,
sietka kramaŭ Go Sport, jakaja naležyć «Sportmastieru»,
KamAZ,
Kaspersky Lab i jaje polskich dystrybjutaraŭ,
KTK Polska,
kampaniju «Novatek» i jaje polskija jurasoby,
kampaniju Maga Foods (vytvorčaść praduktaŭ charčavańnia), źviazannaja z Michaiłam Frydmanam,
«Hazpram»,
Severstal Distribution,
1C-POLAND,
WILDBERRIES i inšyja.