У Беларусі прагназуюць магчымае затапленне асобных раёнаў
МНС прагназуе пагаршэнне гідралагічнай абстаноўкі ў Беларусі. У найбліжэйшыя дні значэнні ўзроўняў вады перавысяць небяспечныя высокія адзнакі на Нёмане ў Стоўбцах і рацэ Іпуць ля Добруша, паведамляюць у прэс-службе ведамства.
30.04.2022 / 12:32
30 красавіка ў краіне небяспечных і неспрыяльных метэаралагічных з'яў не чакаецца. Прагназуецца пераменная воблачнасць, пераважна без ападкаў.
У асобных раёнах чакаецца слабы туман. Будзе дзьмуць няўстойлівы вецер 2-7 м/с. Тэмпература паветра складзе 10+16°С. Заўтра і паслязаўтра, паводле даных МНС, будзе пераважна без ападкаў, днём месцамі па краіне прагназуюцца кароткачасовыя ападкі, а ноччу і раніцай у асобных раёнах — слабы туман. Тэмпература паветра складзе ад -3°С уначы да +18°С удзень.
Магчымыя далейшыя затапленні асобных дамоў, гаспадарчых пабудоў, агародаў, сельгасугоддзяў, аўтадарог мясцовага значэння і ўзнікненне новых месцаў затапленняў.