Zołatavalutnyja reziervy Biełarusi ŭ krasaviku istotna vyraśli
Zołatavalutnyja reziervy krainy na 1 maja skłali 7,8 młrd dalaraŭ ZŠA, paviedamlaje Nacbank.
06.05.2022 / 15:08
Za krasavik 2022 hoda zołatavalutnyja reziervy pavialičylisia na 189,4 młn dalaraŭ ZŠA (na 2,5 pracenta) paśla źnižeńnia ŭ sakaviku na 692,9 młn dalaraŭ (na 8,4 pracenta).
Rostu zołatavalutnych reziervaŭ u krasaviku ŭ asnoŭnym spryjała kupla Nacyjanalnym bankam zamiežnaj valuty na tarhach AAT «Biełaruskaja valutna-fondavaja birža».
Pry hetym u krasaviku ŭradam vykanana źniešnich i ŭnutranych abaviazacielstvaŭ u zamiežnaj valucie na sumu kala 70 młn dołaraŭ ZŠA ŭ ekvivalencie.
Zhodna z asnoŭnymi kirunkami hrašova-kredytnaj palityki na 2022 hod, abjom mižnarodnych reziervovych aktyvaŭ na 1 studzienia 2023 hoda pavinien skłaści nie mienš za 7,0 młrd dalaraŭ ZŠA.