Office Life: U Biełarusi chočuć pa-novamu padzialić rynak handlu cyharetami
Vydańnie Office Life sa spasyłkaj na infarmavanuju krynicu paviedamlaje, što ŭ Biełarusi chočuć abmiežavać aptovy i razdrobny handal tytuniovymi vyrabami. Opt płanujecca pakinuć tolki ŭ adnoj dziaržaŭnaj jurasoby, a roźnicu — tolki na AZS, u sietcy «Tabakierka» i niekatorych dziaržkramach.
06.05.2022 / 16:56
Hetuju infarmacyju na ŭmovach ananimnaści pacvierdziŭ adzin z aptovych pradaŭcoŭ tytuniovych vyrabaŭ.
«Dla našaha biznesu manapalizacyja aptovaha handlu tytuniovymi vyrabami budzie aznačać zakryćcio i «śvirnavy zamok na dźviery» sa zvalnieńniem tolki ŭ našaj kampanii kala paŭsotni pracaŭnikoŭ. Ščyra spadziajomsia, što ŭkazany narmatyŭny pravavy akt usio ž pryniaty nie budzie», — skazaŭ surazmoŭca vydańniu.
Office Life źviarnuŭsia za kamientaryjami ŭ šerah bujnych sietak, ale ŭsiudy atrymaŭ admovu. Pakul licenzii na aptovy handal tytuniom jość u 90 kampanij, a na razdrobny — u 6,5 tysiačy.
U krasaviku vyklučnyja pravy dziaržavy na impart tytuniovaj syraviny atrymali AAT «Hrodzienskaja tytuniovaja fabryka «Nioman» i TAA «Tytuń-inviest» (Pavieł Tapuzidzis, «Karona»). Akramia taho, u 2021 hodzie kampanija «Enierha-Oił» atrymała vyklučnaje prava dziaržavy na impart nahravalnaha tytuniu (HEETS dla sistem IQOS) da 31 śniežnia 2028 hoda.