Maskva zaniepakojenaja pavyšeńniem statusu abchazskaj movy ŭ Abchazii
Staršynia kamiteta Dumy pa spravach SND Leanid Kałašnikaŭ na pasiadžeńni kamiteta raskrytykavaŭ prajekt papravak u zakon ab vybarach deputataŭ parłamienta Abchazii, jakija praduhledžvajuć vałodańnie abchazskaj movaj u jakaści abaviazkovaha patrabavańnia da kandydataŭ.
26.05.2022 / 16:18
«My zakłapočanyja infarmacyjaj ab raspracoŭcy zakanadaŭstva, farmalna nakiravanaha na padtrymku abchazskaj movy, a na spravie viadzie da dyskryminacyi ruskaj movy», — skazaŭ staršynia kamiteta Dziarždumy RF pa spravach SND Leanid Kałašnikaŭ, jaho cytuje «Interfaks».
Pa słovach Kałašnikava, «padobnyja inicyjatyvy mohuć paciahnuć abvastreńnie mižetničnych supiarečnaściaŭ z ulikam statusu ruskaj movy jak de-fakta srodku mižnacyjanalnych znosin».
Kałašnikaŭ taksama spasłaŭsia na Ukrainu dla tłumačeńnia mahčymych nastupstvaŭ takoha kroku: vopyt Ukrainy pakazvaje, jak vielizarnaje nazapašanaje ŭzajemadziejańnie «vybuchaje adnym tolki paviarchoŭnym padychodam mienavita ŭ hetaj halinie».