U Vaŭkavyskim rajonie kiroŭca źbiŭ łasia i zahinuŭ
Avaryja sa śmiarotnym zychodam adbyłasia na 53-m kiłamietry aŭtadarohi R-44 Hrodna-Ružany-Ivacevičy pablizu vioski Studzianiec apoŭdni 25 maja. Kiroŭca «Falksvahiena» źbiŭ łasia, paśla čaho mašyna ŭrezałasia ŭ dreva, paviedamlaje «Viečiernij Hrodno».
26.05.2022 / 21:20
Kiroŭca «Falksvahiena» jechaŭ u napramku Vaŭkavyska. U niejki momant na darohu vyskačyŭ łoś. Mužčyna nie paśpieŭ zatarmazić i źbiŭ dzikuju žyviołu.
Ad udaru žyviolinu adkinuła na sustrečny «MAZ». A lehkavuška spačatku ŭdaryłasia ab hety samy «MAZ», a paśla sutyknułasia z aŭtamabilem «HAZ». Paśla ž mašyna źjechała ŭ kiuviet i ŭrezałasia ŭ dreva.
69-hadovy kiroŭca «Falksvahiena» ad atrymanych traŭmaŭ pamior, jahonaja 71-hadovaja pasažyrka — u balnicy.