«Jość i ludzi, i ŭzbrajeńnie». U Biełarusi budzie stvoranaje «narodnaje apałčeńnie»
Kiraŭnik Minabarony Biełarusi Viktar Chrenin raspavioŭ, jak u krainie budzie stvaracca narodnaje apałčeńnie, piša «Zierkało»
27.05.2022 / 15:57
Fota: «Vajar»
Chrenin raspavioŭ, što na ŭčorašniaj naradzie Łukašenkam pastaŭlenaja zadača stvaryć u krainie narodnaje apałčeńnie.
— Heta pytańnie, sapraŭdy my bačym, vielmi patrebnaje. Samaje hałoŭnaje, što ŭ nas jość dla hetaha i ludzi, i ŭzbrajeńnie, — skazaŭ Viktar Chrenin.
Pytańnie stvareńnia narodnaha apałčeńnia jašče treba ŭrehulavać zakanadaŭča, i tady «kolkaść abaroncaŭ radzimy pavialičycca ŭ razy», adznačyŭ Chrenin.
— Važna, kab my mahli mirna pakazvać, što nie treba sunucca, tamu što adkaz budzie adekvatny, — udakładniŭ ministr abarony.