Na ŭsio leta abmiažoŭvajuć naviedvańnie pamiežnaj pałasy ŭ Brahinskim, Chojnickim i Łojeŭskim rajonach
Dziaržaŭny pamiežny kamitet Biełarusi paviedamiŭ, što «ŭ metach zabieśpiačeńnia pamiežnaj biaśpieki» z 1 červienia 2022 h. pa 31 žniŭnia 2022 h. časova abmiažoŭvajecca ŭjezd i ŭvachod, a taksama časovaje znachodžańnie hramadzian u pamiežnaj pałasie na terytoryi Brahinskaha, Łojeŭskaha i Chojnickaha rajonaŭ Homielskaj vobłaści.
27.05.2022 / 18:25
Taksama ŭ nazvany pieryjad prypyniajecca vydača propuskaŭ u pamiežnuju pałasu na terytoryi hetych rajonaŭ.
Uviedzienyja abmiežavańni nie raspaŭsiudžvajucca na asob, jakija vykonvajuć pracoŭnyja i słužbovyja abaviazki ci ŭdzielničajuć u mierapryjemstvach pa achovie dziaržaŭnaj miažy na nazvanaj terytoryi.
Nahadajem, što ŭ asnoŭnym mienavita z hetych rajonaŭ pačynajučy z 24 lutaha rasijskija vojski nastupali na Kijeŭ.