Nazvanyja najlepšyja filmy Kanskaha kinafiestyvalu. Što za jany?
«Załataja palmavaja halina» 75-ha Kanskaha fiestyvalu prysudžanaja karcinie «Trykutnik smutku» šviedskaha režysiora Rubena Estłunda. Učora viečaram prajšło ŭznaharodžańnie i cyrymonija zakryćcia kinafiestyvalu.
29.05.2022 / 08:23
Rubien Estłund paśla abviaščeńnia pieramožcy. Fota: AP
Hety film ‒ zjedlivaja satyra na sučasnaje hramadstva. Pradstaŭniki najvyšejšaha sasłoŭja ciarpiać karablekrušeńnie (u roli kapitana — Vudzi Charelsan) i akazvajucca na niezasielenym vostravie.
Estłund užo atrymoŭvaŭ hałoŭnuju ŭznaharodu Kanskaha fiestyvalu ŭ 2017 hodzie za film «Kvadrat».
Hran-pry, druhuju pa značnaści ŭznaharodu Kanskaha fiestyvalu, prysudzili filmam «Blizka» Łukasa Donta i «Zorki apoŭdni» (Kłer Deni).
Pryz za najlepšuju režysuru atrymaŭ Pan Čchan Uk («Rašeńnie syści»).
Pryz za najlepšy scenaryj — Taryk Salech («Chłopiec z raju»).
Taryk Salech. Fota: AR
Najlepšym akcioram pryznany Son Kan Cho («Brokier»), najlepšaj aktrysaj stała Zar Amir-Ebrachimi («Śviaty pavuk»).
Śpiecyjalny pryz da 75-hoddzia fiestyvalu ŭručany karcinie bratoŭ Darden «Tory i Łakita».