Aršanca Antona Babrova asudzili na dva hady kałonii za abrazu Łukašenki
U sudzie Aršanskaha rajona 30 maja vyniesieny prysud miascovamu žycharu Antonu Babrovu. Jaho abvinavacili ŭ abrazie Łukašenki zhodna z č. 1 art. 368 Kryminalnaha kodeksa. Babrova pakarali pazbaŭleńniem voli ŭ kałonii ahulnaha režymu terminam na dva hady, piša «Viasna».
30.05.2022 / 18:15
Fota: «Radyjo Racyja»
Antona Babrova zatrymali da suda 21 sakavika i źmiaścili ŭ Viciebski SIZA.
Pa materyjałach abvinavačvańnia, Babroŭ u adnym z telehram-kanałaŭ dvojčy pakinuŭ abraźlivyja kamientaryi ŭ bok Łukašenki, jakija linhvistyčnaja ekśpiertyza paličyła nienarmatyŭnaj formaj maŭlenčaha vykazvańnia.
Svaju vinu Anton Babroŭ u sudzie pryznaŭ całkam. Jaho pakarali pazbaŭleńniem voli ŭ kałonii ahulnaha režymu terminam na dva hady.
Praces prajšoŭ za adzin dzień. Spravu razhladała suddzia Śviatłana Kuźmičonak.