«Sprava traŭmatołahaŭ»: zatrymali jašče čatyroch daktaroŭ. Siarod ich — zahadčyk addzialeńnia
Siońnia zatrymali adrazu troch daktaroŭ RNPC traŭmatałohii i artapiedyi i adnaho lekara pryvatnaha centra.
01.06.2022 / 17:04
U RNPC zabrali troch daktaroŭ z 1-j artapiedyi. U tym liku i zahadčyka addzialeńnia Cimafieja Tałaku. Jaho pastavili zahadčykam niadaŭna — na miesca doktara, jakoha raniej zatrymali.
«Addzialeńnie ŭ vyniku začynienaje», — kažuć «Našaj Nivie» znajomyja z situacyjaj.
Aryštavali taksama doktara Eduarda Viejeŭnika z pryvatnaha centra «Miersi». Cikava, što hetuju kliniku źviazvajuć z siamjoj Łukašenki.
Imiony dvuch druhich daktaroŭ z RNPC, pa jakich siońnia pryjšli, paviedamlała «Zierkała». Heta Andrej Samusioŭ i Aleh Trafimaŭ.