Biełaruś i Rasiju vyklučyli z Bałonskaha pracesu
Biełaruskija i rasijskija VNU byli vyklučanyja z Bałonskaha pracesu. Pra heta paviedamiŭ namieśnik kiraŭnika Ministerstva adukacyi i navuki RF Dźmitryj Afanaśieŭ na pašyranym pasiadžeńni Kamiteta Savieta Fiederacyi pa navucy, adukacyi i kultury.
06.06.2022 / 16:12
«11 krasavika Bałonskaja hrupa abviaściła pastanovu spynić pradstaŭnictva Rasii i Respubliki Biełaruś va ŭsich strukturach Bałonskaha pracesu», — zajaviŭ Afanaśieŭ.
13 krasavika ministr adukacyi Ukrainy Siarhiej Škarlet zajaŭlaŭ, što pradstaŭnictva Biełarusi ŭ Bałonskim pracesie budzie prypynienaje. Hrupa supravadžeńnia Bałonskaha pracesu vystupiła ź inicyjatyvaj prypynić pradstaŭnictva Rasii, ale pra Biełaruś u zajavie nie zhadvałasia. Ministerstva adukacyi Biełarusi situacyju nijak nie kamientavała, paviedamlaje reform.by.
Bałonski praces — praces zbližeńnia i harmanizacyi sistem vyšejšaj adukacyi krain Jeŭropy. Bałonskaja dekłaracyja była padpisanaja 19 červienia 1999 hoda z metaj stvareńnia adzinaj jeŭrapiejskaj prastory vyšejšaj adukacyi. Biełaruś dałučyłasia da pracesu ŭ 2015 hodzie.