Łukašenka padpisaŭ ukaz ab dziaržaŭnych hramadzianskich pasadach
Alaksandr Łukašenka ŭ paniadziełak 6 červienia padpisaŭ ukaz №195 «Ab dziaržaŭnych hramadzianskich pasadach», paviedamlaje jahonaja pres-słužba. Ukaz vyznačaje rejestr dziaržaŭnych hramadzianskich pasad, suadnosiny kłasnych čynoŭ, piersanalnych zvańniaŭ, dypłamatyčnych ranhaŭ, kvalifikacyjnych kłasaŭ i kłasaŭ dziaržsłužačych, a taksama pryraŭnoŭvaje dziejučyja kłasy da novych.
06.06.2022 / 22:25
Pałac niezaležnaści ŭ Minsku
Ukazam stvarajecca adzinaja namienkłatura ŭsich dziaržaŭnych hramadzianskich pasad u dziaržaŭnych orhanach Biełarusi, uparadkavanyja nazvy pasad śpiecyjalistaŭ.
Paviedamlajecca, što dakumient byŭ padpisany dla realizacyi pałažeńniaŭ pryniataha ŭ mai zakona «Ab dziaržaŭnaj słužbie». Zakon zamacoŭvaje cełasnuju sistemu dziaržsłužby, u jakuju ŭklučany hramadzianskaja słužba, vajennaja słužba, słužba ŭ vajenizavanych arhanizacyjach.
Zakonam detalna rehłamientujecca dziaržaŭnaja hramadzianskaja słužba, praduhledžvajecca ŭzmacnieńnie patrabavańniaŭ da dziaržsłužačych, ich dyscypliny i adkaznaści, vyznačajucca abaviazki, pravy, sacyjalna-pravavyja harantyi, normy etyčnych pavodzin dziaržaŭnych słužačych jak na pracy, tak i ŭ pobycie.
Zakonam «Ab dziaržaŭnaj słužbie» rehłamientujucca taksama asablivaści słužby asob, jakija zajmajuć pasady, uklučanyja ŭ prezidencki kadravy rejestr.