Расія вярнула Украіне больш за 50 целаў байцоў з «Азоўсталі»
Паводле інфармацыі агенцтва Associated Press, Расія пачала перадачу целаў украінскіх байцоў, якія загінулі на тэрыторыі металургічнага завода «Азоўсталь» у Марыупалі.
07.06.2022 / 09:50
Раней ужо паведамлялася, што Кіеў і Масква ажыццявілі першы афіцыйны абмен загінулымі, падчас якога кожны з бакоў перадаў іншаму 160 целаў. Прэс-сакратарка палка «Азоў» Ганна Галаўко пацвердзіла, што сярод іх былі загінулыя на «Азоўсталі».
Паводле яе слоў, размова ідзе сама меней пра 52 целы азоўцаў. Дзясяткі целаў ужо дастаўленыя ў Кіеў. Пачаты працэс ідэнтыфікацыі праз аналіз ДНК.
Таксама гэта пацвярджаюць сваякі байцоў «Азова», якія ўжо атрымалі целы сваіх родных.
Колькі ўсяго чалавек загінула на тэрыторыі завода, да гэтага часу невядома.