На заўтра абвешчаны жоўты ўзровень небяспекі з-за спякоты
Заўтра, 9 чэрвеня, чакаецца гарачыня, тэмпература паветра перавысіць 30 градусаў цяпла. Сіноптыкі абвясцілі жоўты ўзровень небяспекі.
08.06.2022 / 16:50
Фота ілюстрацыйнае
«Удзень 9 чэрвеня (чацвер) на большай частцы тэрыторыі краіны максімальная тэмпература паветра дасягне +30 +32°С», — гаворыцца ў папярэджанні.
Заўтра па краіне таксама чакаецца пераменная воблачнасць, пераважна без ападкаў. На паўночным захадзе краіны магчымыя кароткачасовыя дажджы, месцамі навальніцы. Ноччу і раніцай у асобных раёнах слабы туман.
Тэмпература паветра мінімальная ноччу +13.. +19°С, максімальная днём +25.. +30°С, па паўднёвай частцы Беларусі да +32°С. У Мінску таксама будзе +30°С.