Jeŭraparłamient rekamiendavaŭ dać Ukrainie status kandydata na ŭstupleńnie ŭ JeS
Jeŭradeputaty miarkujuć, što Jeŭrasajuz pavinien dać Ukrainie status kandydata na siabroŭstva ŭ JeS, a taksama zabiaśpiečyć patreby krainy ŭ zbroi. Jak paviedamlaje Deutsche Welle, adpaviednaja rezalucyja pa źniešniaj, palityki biaśpieki i abarony JeS na fonie ahresiŭnaj vajny Rasii suprać Ukrainy była pryniataja na plenarnym pasiadžeńni Jeŭrapiejskaha parłamienta 8 červienia.
08.06.2022 / 22:41
Jaje padtrymali 438 jeŭradeputataŭ, 65 vykazalisia suprać, jašče 94 — ustrymalisia. Tamu Jeŭraparłamient rekamiendavaŭ Radzie JeS pahadzicca, što «Viersalskaja dekłaracyja pryznaje jeŭrapiejskija pamknieńni Ukrainy i jaje zajaŭku na siabroŭstva ŭ JeS, a taksama nadać joj status kandydata ŭ JeS, jak vyrazny palityčny sihnał salidarnaści z narodam Ukrainy».
«Havorka idzie pra dekłaracyi niefarmalnaha samitu JeS u Viersali, jakaja, praŭda, była vielmi aściarožnaj u farmuloŭkach i pryznała tolki jeŭrapiejskija pamknieńni Ukrainy i dadavała, što kraina naležyć da jeŭrapiejskaj siamji», — adznačaje vydańnie.
Akramia taho, jeŭradeputaty rekamiendavali «biez pramarudžańniaŭ» dać Ukrainie zbroju ŭ adpaviednaści z patrebami, vykazanymi ŭkrainskimi ŭładami, a taksama zaklikali stvareńnie śpiecyjalnaha trybunała AAN dla rasśledavańnia rasijskich złačynstvaŭ.