Žycharam Oršy prysudzili pa dva hady «chimii» za sprobu spalić čyrvona-zialony ściah
U suddzie Oršy i Aršanskaha rajona vyniesieny prysud pa kryminalnaj spravie palitźniavolenych Dźmitryja Matusieviča i Viačasłava Lutynskaha. Ich abvinavacili ŭ ździeku ź dziaržaŭnych simvałaŭ (art. 370 KK), piša «Viasna». Praces vioŭ suddzia Dźmitryj Razumovič.
10.06.2022 / 17:06
Dźmitryj Matusievič
Pavodle abvinavačvańnia, u adzin z vosieńskich viečaroŭ 2021 hoda pryjacieli nabyli ŭ kramie suvienirny dziaržaŭny ściažok i na vychadzie sprabavali jaho spalić. Heta zaŭvažyŭ achoŭnik kramy i vyklikaŭ milicyju.
Dźmitryj Matusievič — sa šmatdzietnaj siamji. Z małych hadoŭ jon dapamahaŭ hadavać brata i siastru, pakolki ŭsie jany raśli biez baćki.
Sud pryznaŭ Dźmitryja i Viačasłava vinavatymi i prysudziŭ im pa dva hady abmiežavańnia voli z nakiravańniem va ŭstanovu adkrytaha typu.