ŽKH patłumačyła, chto budzie płacić poŭny taryf za techabsłuhoŭvańnie, a chto nie
HA «Minskaja haradskaja žyllovaja haspadarka» patłumačyła, chto budzie apłačvać techničnaje absłuhoŭvańnie ŭ šmatkvaternym domie pa taryfie, jaki zabiaśpiečvaje poŭnaje pakryćcio «ekanamična abhruntavanych vydatkaŭ» (0,15 rubla za kvadratny mietr).
13.06.2022 / 17:47
Płacić pa poŭnym taryfie pavinny hramadzianie, va ŭłasnaści (vałodańni) i karystańni jakich majucca adno abo niekalki žyłych pamiaškańniaŭ (abo dola ŭ pravie ahulnaj ułasnaści) i ŭ ich (u adnym ź ich) adsutničajuć na miescy zarehistravanyja pa miescy žycharstva hramadzianie.
Vyklučeńnie zroblenaje dla:
- kiraŭnikoŭ i supracoŭnikaŭ pradstaŭnictvaŭ i orhanaŭ mižnarodnych arhanizacyj i miždziaržaŭnych utvareńniaŭ z ulikam kolkaści členaŭ ich siemjaŭ, ukazanych u dahavorach najmu žyłoha pamiaškańnia;
- spadčyńnikaŭ, jakija pryniali žyłoje pamiaškańnie ŭ składzie spadčyny, biez naličeńnia pieni da atrymańnia paśviedčańnia ab pravie na spadčynu, ale nie bolš za siem miesiacaŭ z dnia adkryćcia spadčyny; niepaŭnaletnich dziaciej pad apiekaj, u tym liku jakija vyjechali dla pražyvańnia pa miescy žycharstva apiekuna da 18 hadoŭ abo da daty pryniaćcia rašeńnia ab emansipacyi albo ŭstupleńnia ŭ šlub;
- apiekunoŭ i papiačycielaŭ, jakija pakinuli pastajannaje miesca žycharstva ŭ suviazi z vykanańniem adpaviednych abaviazkaŭ;
- hramadzian, jakija prachodziać vajskovuju, alternatyŭnuju słužbu abo słužbu ŭ reziervie, vajskovyja abo śpiecyjalnyja zbory, kursantaŭ, jakija navučajucca pa śpiecyjalnaściach dla Uzbrojenych siłaŭ, Śledčaha kamiteta, MNS, orhanaŭ unutranych spraŭ i da t. p.;
- hramadzian, jakija navučajucca vočna ŭ aśpirantury, daktarantury abo prachodziać padrychtoŭku ŭ rezidentury, adjunktury ŭ inšych haradach, zarehistravanych pa miescy znachodžańnia, a taksama hramadzian, jakija navučajucca ŭ inšych haradach i zarehistravanyja pa miescy znachodžańnia;
- hramadzian, jakija vyjechali ŭ sielskija nasielenyja punkty dla pracy ŭ sielskaj haspadarcy i sacyjalnaj śfiery vioski pa papiaredniaj damoŭlenaści ź sielskahaspadarčymi arhanizacyjami i sielskimi savietami deputataŭ, zarehistravanych pa miescy znachodžańnia;
- hramadzian, jakija pražyvajuć u arendnym žylli;
- hramadzian, jakija vyjechali na pracu pa kantrakcie ŭ zabrudžanyja ad Čarnobylskaj avaryi rajony;
- jurydyčnych asob, u jakich znachodzicca va ŭłasnaści, biazvypłatnym karystańni, haspadarčym viadzieńni abo apieratyŭnym kiravańni, arendzie žyłoje pamiaškańnie pry adsutnaści dahavora najmu abo dahavora lizinhu hetaha žyłoha pamiaškańnia.