Hałoŭnaj redaktarcy «Novaha času» dali 2,5 hoda «chimii»
Siońnia byŭ vyniesieny prysud Aksanie Kołb.
15.06.2022 / 14:41
Fota «Novy čas»
U sudzie Centralnaha rajona Minska ahučyli prysud palitźniavolenaj hałoŭnaj redaktarcy haziety «Novy Čas» Aksanie Kołb.
Suddzia Dźmitryj Karsiuk pryznaŭ jaje vinavataj pa č. 1 art. 342 Kryminalnaha kodeksa — udzieł u dziejańniach, jakija hruba parušajuć hramadski paradak i pryznačyŭ 2,5 hady «chimii». Taki termin joj pryznačyli za ŭdzieł u adnym žnivieńskim maršy ŭ 2020 hodzie.
Aksanu zatrymali 20 krasavika. Sud pačaŭsia 7 červienia.
Minsktrans padaŭ pazoŭ na 5980 rubloŭ 11 kapiejek.
Prakuror prasiŭ pakarać jaje 2,5 hadami «chimii», stolki i pryznačyŭ suddzia. Kołb vyzvalili ŭ zale suda.