Затрымалі таксіста, які адмовіўся везці міліцыянта. Кіроўца зняў гэта на відэа і выклаў у сеціва
Адбылося гэта больш, чым год таму, але затрымалі мужчыну толькі цяпер.
17.06.2022 / 17:53
Руслан Бярозка. Фота: сацсеткі
На праўладных каналах з'явілася відэа з 38-гадовым гродзенскім таксістам Русланам Бярозкам. У відэа мужчына кажа супрацоўніку МУС, які сядае ў яго машыну, што не возіць міліцыянтаў.
У пакаяльным відэа мужчына кажа, што выклаў той эпізод у інтэрнэт уласнаручна і таксама нібыта абражаў прэзідэнта і міліцыянтаў у сацсетках.
Сілавікі сцвярджаюць, што супраць гродзенца заведзеная крымінальная справа.