Da 3 lipienia zapuściać ruch pa novym učastku pieršaha transpartnaha kalca ŭ Minsku
Ruch pa novym učastku pieršaha transpartnaha kalca ŭ Minsku budzie zapuščany da 3 lipienia. Pra heta zajaviŭ namieśnik staršyni Minharvykankama Alaksandr Darachovič, pieradaje ahienctva «Minsk-Naviny».
17.06.2022 / 19:11
Pa słovach Darachoviča, budaŭnictva pieršaha transpartnaha kalca, a taksama kapitalny ramont puciepravodaŭ na praśpiekcie Žukava ŭ rajonie stancyi Minsk-Sartavalny i nad vulicaj Čyhunačnaj iduć z apiaredžańniem hrafika.
Novy ŭčastak (ad praśpiekta Dziaržynskaha da vulicy Tałstoha) zamknie pieršaje transpartnaje kalco.
Da jaho budaŭnictva prystupili ŭ 2019 hodzie. Prajekt praduhledžvaŭ pabudovu estakady dla źjezdu z vulicy Maskoŭskaj na kalco, rekanstrukcyju ŭčastkaŭ vulic Maskoŭskaj i Tałstoha, uźviadzieńnie novaha čyhunačnaha puciepravoda, prakładku 400-mietrovaha adrezka mahistrali pad im.