U Homielskaj vobłaści milicyja vyjšła na spartovaje śviata ź litaraj Z i rasijskaj simvolikaj paralelna ź biełaruskaj
U Buda-Kašaloŭskim rajonie prajšoŭ «Dzień zdaroŭja» z udziełam 18 kamand. Na spartakijadzie prysutničała i kiraŭnictva rajona, paviedamlaje miascovaja hazieta. Na tryvijalnym dla biełaruskaha rajcentra mierapryjemstvie miascovaja milicyja paziravała ź litarami Z i V — simvałami rasijskaj vajennaj ahresii suprać Ukrainy.
19.06.2022 / 13:36
Litary Z i V buda-kašaloŭskija milicyjaniery rasšyfroŭvajuć jak «Zadaču Vypołnim».
Heta nie pieršy vypadak, kali łukašenkaŭskija siłaviki vykarystoŭvajuć rasijskuju militarysckuju i šavinistyčnuju simvoliku ŭ padtrymku rasijskaj ahresii suprać Ukrainy. Raniej HUBAZiK u svaim telehram-kanale publikavaŭ foty palitviaźniaŭ na fonie litar Z i V.
Pa kiepkach kamandy milicyi možna zaŭvažyć rasijski ściah pobač z čyrvona-zialonym.
Miascovyja milicyjaniery, darečy, stali pieramožcami hetaj spartakijady. Kiraŭnictva rajona ŭračysta ŭručyła kalektyvu RAUS kubak.