«Stratehija Pucina — padniać košty i padzialić nas. My nie dazvolim». Hiermanija zapuścić vuhalnyja elektrastancyi, kab ekanomić haz
Na fonie mahčymaha deficyta hazu pra heta abviaściŭ ministr ekanomiki Hiermanii. Heta źviazana sa skaračeńniem pastavak hazu ŭ Jeŭropu, piša The New York Times.
21.06.2022 / 07:56
Fota: Associated Press
Heta tolki častka mieraŭ, jakija dapamohuć joj spravicca sa źnižeńniem zaležnaści ad rasijskich enierhanośbitaŭ. Taksama ŭłady sprabujuć stymulavać skaračeńnie spažyvańnia hazu biznesam.
Jeŭrapiejskija krainy ŭviali sankcyi, kab pakarać Maskvu paśla napadu na Ukrainu, a Rasija spyniła pastaŭki hazu ŭ niekalki jeŭrapiejskich krain. Na minułym tydni «Hazprom» taksama skaraciŭ pastaŭki ŭ Hiermaniju. Aficyjna — praz «techničnaje absłuhoŭvańnie», ale Jeŭropa ličyć heta palityčnaj taktykaj Pucina.
«Situacyja surjoznaja», — zajaviŭ Robiert Chabiek, ministr ekanomiki, jaki taksama źjaŭlajecca vice-kancleram Hiermanii. U svajoj zajavie jon vykłaŭ kroki, jakija zrobiać dla zabieśpiačeńnia schoviščaŭ hazam, kab kraina mahła pieražyć zimu. Jany ŭklučajuć u siabie adnaŭleńnie pracy vuhalnych elektrastancyj, jakija byli vyviedzienyja z ekspłuatacyi dla skaračeńnia vykidaŭ vuhlakisłaha hazu, choć u zajavie nie ŭdakładniajecca, kolki elektrastancyj znoŭ zapracujuć.
«Heta horka, ale ciapier prosta nieabchodna źnizić spažyvańnie hazu», — skazaŭ Chabiek, člen partyi zialonych-ekołahaŭ. «Da zimy reziervuary dla zachoŭvańnia hazu pavinny być poŭnyja. Heta naš hałoŭny pryjarytet».
Hiermanija na praciahu dziesiacihoddziaŭ mocna zaležała ad impartu enierhanośbitaŭ z Rasii. U minułym hodzie na dolu rasijskaha impartu prypadała 55 adsotkaŭ pastavak pryrodnaha hazu ŭ krainu. Ale paśla ŭvarvańnia Maskvy va Ukrainu 24 lutaha Bierlin pačaŭ zakuplać haz u Narviehii, Złučanych Štataŭ i Abjadnanych Arabskich Emirataŭ, skaraciŭšy svaje zakupki ŭ Rasii prykładna na 20 adsotkaŭ.
Urad, tym nie mienš, nastojvaje na tym, što biez rasijskaha hazu nie abyjścisia, kali kraina choča zapoŭnić reziervuary chacia b na 90 adstokaŭ da listapada — u adpaviednaści z zakonam, pryniatym raniej u hetym hodzie. Tracina damoŭ u Hiermanii aciaplajecca pryrodnym hazam i jon vykarystoŭvajecca dla prykładna 15 adsotkaŭ usioj vypracoŭki elektraenierhii.
Čakajecca, što ŭ nastupnym miesiacy budzie pryniaty zakon, jaki dazvalaje viarnucca da vykarystańnia vuhalu ŭ vytvorčaści elektraenierhii. Da kanca leta pavinna być raspracavanaja madel, jakaja dazvolić kampanijam vystaŭlać haz na aŭkcyjon, kab stymulać pramysłovaść Hiermanii da źnižeńnia zaležnaści ad paliva.
Na minułym tydni mahutnaje pramysłovaje łobi Hiermanii, Fiederacyja niamieckaj pramysłovaści, zajaviła, što kampanii ŭžo pierachodziać na vuhal, kab pavialičyć lik hazu dla zachoŭvańnia. Mnohija taksama šukajuć alternatyŭnyja bolš ustojlivyja krynicy enierhii. Ale ŭ zajavie padkreślivajecca, što takija pierachody patrabujuć času.
Urad Niamieččyny niadaŭna zaklikaŭ hramadzian skaracić spažyvańnie enierhii ŭ śviecie napružanaj situacyi z pastaŭkami.
«Vidavočna, što heta stratehija Pucina — zrabić nas niapeŭnymi ŭ sabie, padniać košty i padzialić nas», — skazaŭ Chabiek, — Ale my nie dazvolim hetaha. My budziem abaraniacca rašuča, dakładna i pradumana».