Нобелеўскі медаль Дзмітрыя Муратава прадалі за 103 мільёны даляраў
Нобелеўскі медаль галоўнага рэдактара расійскай «Новай газеты» Дзмітрыя Муратава прадалі на аўкцыёне за 103,5 мільёна даляраў.
21.06.2022 / 08:06
Гэтыя грошы пойдуць на дапамогу ўцекачам з Украіны, заявіў Муратаў.
Пляцоўкай для продажу стаў аўкцыённы дом Heritage Auctions.
Журналіст атрымаў сваю ўзнагароду ў кастрычніку 2021 года сумесна з філіпінкай Марыяй Рэса — за «намаганні ў абароне свабоды меркаванняў, якая з'яўляецца ўмовай для дэмакратыі і міру».
Саму прэмію ў памеры каля 730 тысяч даляраў Муратаў яшчэ ў снежні аддаў на дабрачыннасць у некалькі фондаў.