Ігара Лосіка перавялі ў іншае месца
Палітвязня Ігара Лосіка маглі перавезці ў іншае месца. Куды — ніхто не ведае
21.06.2022 / 14:49
Жонка Ігара Дар'я, якая прыехала ў гомельскі СІЗА, напісала ў сябе ў Інстаграме, што не можа знайсці свайго мужа.
«Ёсць інфармацыя, што ён у панядзелак выбыў з СІЗА-3. Куды яго павезлі, мне ніхто не хоча адказваць», — распавяла Дар'я.
Журналісту «Радыё «Свабода», блогеру Ігару Лосіку прысудзілі 15 гадоў пазбаўлення волі ва ўмовах узмоцненага рэжыму па «справе Ціханоўскага». За кратамі ён знаходзіцца з 25 чэрвеня 2020 года.