Valfovič: Jany praśviacili našu krainu renthienaŭskim promniem
Situacyja ŭzdoŭž miežaŭ Biełarusi zastajecca napružanaj. Praciahvajucca paloty raźviedvalnaj avijacyi. Pra heta zajaviŭ dziaržsakratar Rady biaśpieki Alaksandr Valfovič padčas mižnarodnaj vystavy biaśpieki, paviedamlaje BiełTA.
22.06.2022 / 14:44
Valfovič adznačyŭ, što na zachadzie Biełarusi znachodzicca hrupoŭka ŭ 30 tysiač čałaviek, a va Uschodniaj Jeŭropie siońnia prachodzić piać bujnych vučeńniaŭ, dva ź jakich — na terytoryi sumiežnych dziaržaŭ.
«Paloty avijacyi praciahvajucca, štodnia fiksujecca šeść ci siem vyletaŭ uzdoŭž našych miežaŭ. Nie viedaju, jakuju jany pravodziać raźviedku. Napeŭna, jany ŭžo daŭno praśviacili našu terytoryju renthienaŭskim pramieniem i ŭbačyli, što my nie ŭjaŭlajem pahrozy ni dla Zachadu, ni dla našaj paŭdniovaj susiedki. Ukraina kaža, što Biełaruś moža pradstaŭlać dla jaje pahrozu. My nikomu nie pahražali, nie pahražajem i nie budziem pahražać», — zajaviŭ dziaržsakratar Rady biaśpieki.