Naŭsieda: Litva nie čakaje ŭvarvańnia ŭ adkaz na abmiežavańnie tranzitu ŭ Kalininhrad
Litva čakaje, što Rasija adklučyć jaje ad rehijanalnaj elektrasietki ŭ adkaz na abmiežavańnie hruzapieravozak u Kalininhradskuju vobłaść, paviedamiŭ prezident Hitanas Naŭsieda ŭ intervju ahienctvu Reuters.
22.06.2022 / 15:42
Hitanas Naŭsieda. Fota: DELFI / Andrius Ufartas
Uvarvańnia rasijskaj armii i vajennaj kanfrantacyi ŭ suviazi z abmiežavańniem tranzitu Vilnia nie čakaje, skazaŭ jon.
Raniej u sieradu aficyjny pradstaŭnik MZS Rasii Maryja Zacharava paabiacała miery ŭ adkaz, jakija buduć «nie ŭ dypłamatyčnaj, a ŭ praktyčnaj płoskaści».
Z 18 červienia litoŭskija ŭłady spynili tranzit u Kalininhrad padsankcyjnych tavaraŭ, u adpaviednaści z patrabavańniami čacviortaha pakieta sankcyj Jeŭrasajuza. Hubiernatar Kalininhradskaj vobłaści Anton Alichanaŭ raspavioŭ, što pad zabaronu patrapiła da 40-50% hruzaŭ.
Rasija nazyvaje hetaje rašeńnie niezakonnym i ličyć, što jano parušaje pahadnieńnie ab partniorstvie i supracoŭnictvie pamiž Rasijaj i Jeŭrasajuzam.