U Rasii zatrymali i źniščyli 20 ton karovinych škur z Biełarusi
Rasijskaja DPS na adnoj z rehijanalnych aŭtadaroh Smalenščyny spyniła hruzavik pad kiravańniem hramadzianina Biełarusi, u jakim mima aficyjnych vieterynarnych kantrolnych pastoŭ pieravozilisia škury bujnoj rahataj žyvioły.
22.06.2022 / 16:38
Vieterynarnyja inśpiektary, jakim byŭ pieradadzieny hruz, abśledavali jaho i vyznačyli, što ŭ mašynie pieravoziłasia kala 20 ton karovinych škur. Vieterynarna-supravadžalnyja dakumienty z pacviardžeńniem pachodžańnia, biaśpieki i epizaatyčnaj biasškodnaści pradukcyi, pry hetym adsutničali.
Nie było na škurach i markirovačnych etykietak dy vieterynarnych klejmaŭ, jakija pacviardžali b praviadzieńnie vieterynarna-sanitarnaj ekśpiertyzy, a mašyna nie adpaviadała patrabavańniam da sanitarnaha stanu.
Tamu hruz byŭ zatrymany i paśla praviedzienaj ekśpiertyzy na najaŭnaść uzbudžalnikaŭ asabliva niebiaśpiečnych chvarob žyvioł utylizavany. Jaho pieravozčyk pryciahnuty da administracyjnaj adkaznaści.