Były achoŭnik prezidenta Rasii, jaki nasiŭ za im jadzierny čamadančyk, sprabavaŭ zastrelicca
Brytanski tabłoid paviedamiŭ, što były achoŭnik Pucina, jaki nasiŭ za im jadzierny čamadančyk, sprabavaŭ zastrelicca.
23.06.2022 / 07:34
The Mirror paviedamiŭ, što 53-hadovy Vadzim Zimin znachodzicca ŭ ciažkim stanie ŭ reanimacyi. Jaho ŭ paniadziełak znajšoŭ brat paranienym u hałavu ŭ kvatery ŭ Krasnahorsku.
Pałkoŭnik Fiederalnaj słužby biaśpieki Vadzim Zimin u svoj čas adkazvaŭ za partfiel z tak zvanaj «čyrvonaj knopkaj», pryładaj, jakaja pavinna pryvieści da zapusku jadziernaj zbroi. Raniej Zimin vykonvaŭ hetuju rolu pry Barysie Jelcynie. Zatym jon praciahvaŭ pracavać u słužbie biaśpieki, dasłužyŭšysia da pałkoŭnika pry Uładzimiry Pucinym.
Paviedamlajecca, što Vadzin Zimin, jaki paśla sychodu sa słužby, pracavaŭ u mytnaj słužbie, znachodziŭsia pad chatnim aryštam pa kryminalnaj spravie, u jakoj kateharyčna admaŭlaŭ vinu. Taksama jon nibyta znachodziŭsia ŭ depresii i skardziŭsia na adsutnaść hrošaj.