CNN: ЗША сёння аб’явяць аб чарговым пакеце ваеннай дапамогі Украіне

Чакаецца, што адміністрацыя Джо Байдэна публічна абвесціць пра яшчэ адзін раунд ваеннай дапамогі Украіне ўжо сёння. Пра гэта CNN паведаміў адзін з амерыканскіх чыноўнікаў.

23.06.2022 / 19:01

Чакаецца, што пакет будзе ўключаць дадатковыя артылерыйскія ракетныя сістэмы высокай мабільнасці (HIMARS), а таксама артылерыйскія боепрыпасы. Увесь пакет будзе каштаваць не больш за 500 мільёнаў даляраў, сказала крыніца.

Раней Белы дом заявіў, што ім пакуль няма чаго пераглядаць, але ЗША будуць працягваць рэгулярна аказваць дапамогу Украіне.

Nashaniva.com