U Salihorskim ZAHSie adnačasova zarehistravali šlub try pary bajkieraŭ FOTA
U Salihorsku prajšła niezvyčajnaja rehistracyja šlubu. I maładyja, i hości byli na matacykłach, a šlub zaklučali adrazu try pary ź miascovaha bajkierskaha kłuba, piša «Minskaja praŭda».
24.06.2022 / 17:48
Usie fota: Anton Niavieraŭ / mlyn.by
Niezvyčajnaja viasielnaja pracesija ‒ kałona bajkieraŭ z troch dziasiatkaŭ matacykłaŭ ‒pryciahvała ŭvahu haradžan. Dy i ŭ zale, dzie biaruć šlub, było nie zusim typova.
«Ci zhodnyja vy być kachajučaj i kłapatlivaj žonkaj brutalnaha bajkiera?» — taki zvarot na ŭračystaj cyrymonii pačuješ nie časta.
U hety dzień pytańnie ŭ takoj farmuloŭcy zadavałasia trojčy. Naturalna, usie try razy žanichi ŭ skuranych kamizelkach pačuli stanoŭčyja adkazy.
— Rašeńnie, kab było viasielle troch par, my pryniali miesiac tamu. I ŭsie chutka arhanizavali. Dzień abrany nie vypadkova. U našym kłubie dva razy na hod prachodziać vialikija mierapryjemstvy, kali ŭsie źbirajucca siemjami, adpačyvajuć, hutarać. Siońnia mienavita taki dzień: usie sabralisia razam, i my arhanizavali adrazu try viasielli — raspaviali Alaksiej i Kryścina Ivončyki, adna z par maładych.