Hienštab Ukrainy: Najbližejšym časam čakajucca novyja ŭdary ź Biełarusi
U siońniašniaj viačerniaj zvodcy Hienieralnaha štaba Ukrainy biełaruski napramak aceńvajecca jak vielmi patencyjna niebiaśpiečny. Ukrainskija vajskoŭcy ničoha dobraha z našaha boku nie čakajuć.
27.06.2022 / 21:47
U pryvatnaści, u zvodcy Hienštaba havorycca:
«Na Vałynskim i Paleskim kirunkach nie vyklučajecca praviadzieńnie demanstratyŭnych i pravakacyjnych dziejańniaŭ z boku padraździaleńniaŭ Uzbrojenych siłaŭ Respubliki Biełaruś u pamiežnych z Ukrainaj rajonach, a taksama ŭzmacnieńnie viadzieńnia raźviedki dla ŭdakładnieńnia pazicyj i charaktaru dziejnaści našych vojskaŭ.
Čakajecca praciah avijacyjnych i rakietnych udaraŭ z terytoryi i pavietranaj prastory Biełarusi. U čarhovy raz zaklikajem nie hrebavać sihnałami pavietranaj tryvohi».