Pad Kijevam vybuchnuŭ most praz rečku Irpień. Vybuchoŭku detanavała małanka
U siale Dziamidaŭ pad Kijevam vybuchnuŭ most praz rečku Irpień. Pavodle papiaredniaj infarmacyi, pryčynaj zdareńnia stała małanka, jakaja trapiła ŭ aporu mosta, dzie znachodziłasia mina.
29.06.2022 / 19:22
ŚMI paviedamlajuć pra adnaho zahinułaha i dvuch paranienych.
Siało Dziamidaŭ Vyšharadskaha rajona ŭžo prasłaviłasia padčas rasijskaj akupacyi, i jahonaja viadomaść taksama była źviazanaja z toj ža miascovaj rakoj i hidratechničnymi zbudavańniami na joj.
25 ci 26 lutaha padčas nastupleńnia rasijskich vojskaŭ pad Kijevam na race Irpień pad Dziamidavym była padarvanaja damba, i raźliŭ raki častkova paspryjaŭ niaŭdačy rasijskich sprobaŭ zachapić stalicu Ukrainy.