У выніку ракетнага ўдару па Адэскай вобласці загінула 18 чалавек
Уначы быў здзейснены ракетны ўдар па Адэскай вобласці. Расіяне выпусцілі тры ракеты.
01.07.2022 / 08:03
У выніку начнога ракетнага ўдару самалётаў стратэгічнай авіяцыі Ту-22 у кірунку Чорнага мора па Белгарад-Днястроўскім раёне Адэскай вобласці трыма ракетамі Х-22 пашкоджаны шматкватэрны дом і дзве базы адпачынку.
Паведамляецца, што ўдар быў нанесены па населеным пункце Сяргееўка Белгарад-Днястроўскага раёна.
На раніцу вядома пра 18 загінулых, з іх 1 дзіця. Параненыя 31 чалавек, сярод якіх чацвёра дзяцей і цяжарная жанчына. Выратаваныя з-пад завалаў 8 чалавек, з іх 3 дзяцей.