«U hetaj vajnie niama abmiežavańniaŭ». Arastovič raspavioŭ, kali USU naniasuć udar pa Krymskim moście
Uzbrojenyja Siły Ukrainy hatovy nanieści ŭdar, kali ŭźniknie takaja patreba. Adnak dla hetaha treba vybrać momant, kali źniščeńnie abjekta naniasie maksimalnuju škodu Rasii.
02.07.2022 / 08:25
Pra heta skazaŭ daradca kiraŭnika Ofisa prezidenta Alaksiej Arastovič padčas intervju na «Fiejhin Live».
Jon adznačyŭ, što ataka na Krymski most sapraŭdy mahčymaja. Ale pakul ciažka kazać pra niejkija kankretnyja płany ŭkrainskaha kamandavańnia. Pavodle jaho, u hetaj vajnie niama abmiežavańniaŭ.
«Santymientaŭ nichto nie adčuvaje. Treba budzie ‒ udarym pa Krymskim moście, u pravilny momant, u patrebny čas. Nie pytańnie», ‒ skazaŭ Arastovič.
Jon dadaŭ, što ciapier u USU nibyta niama ŭzbrajeńnia, jakoje b technična mahło nanieści ŭdar pa pierapravie na aneksavany Krym.