Лукашэнка прапанаваў народу ЗША забыцца пра рознагалоссі
Аляксандр Лукашэнка павіншаваў народ Злучаных Штатаў Амерыкі з Днём незалежнасці, паведамляе Белта.
04.07.2022 / 09:45
Будынак пасольства ЗША ў Мінску. Фота: «Голас Амерыкі»
У віншаванні Лукашэнка напісаў, што трэба забыць пра рознагалоссі, якія расколваюць сем'і, грамадствы, цэлыя кантыненты, і аб'яднаць намаганні з мэтай пошуку выхаду з сённяшняй вельмі трывожнай і небяспечнай сітуацыі.
Раніцай 28 лютага Дзярждэпартамент заявіў аб спыненні працы пасольства ЗША ў Беларусі.
«Мы распачалі гэтыя крокі з прычыны праблем з аховай і бяспекай, якія ўзніклі ў выніку несправакаванага і неабгрунтаванага нападу расійскіх узброеных сіл на Украіну», — гаварылася ў дакуменце.