U Vaŭkavysku źniščyli mahiły polskich žaŭnieraŭ
08.07.2022 / 15:59
Tak stała vyhladać miesca pachavańnia
U Vaŭkavysku źnieśli čarhovaje nadmahiłle polskich žaŭnieraŭ Armii Krajovaj, paviedamiŭ u Fejsbuku namieśnik staršyni Sajuza palakaŭ Biełarusi Marek Zanieŭski.
— Jašče adno polskaje miesca pamiaci ŭ Biełarusi razburanaje! Źniščanaje pachavańnie žaŭnieraŭ Armii Krajovaj u Vaŭkavysku, — napisaŭ Zanieŭski.
Tak vyhladała miesca pachavańnia
Padobnyja vypadki źniščeńnia ŭ Hrodzienskaj vobłaści ŭ apošni čas pačaścilisia. Siońnia stała viadoma pra razbureńnie miesca pachavańnia partyzan Armii Krajovaj la vioski Kačyčy Karelickaha rajona.
A raniej mahiły sałdat AK zraŭniali z ziamloj u vioscy Mikuliški ŭ Ašmianskim rajonie. Byli źniščanyja mahiły ŭ inšych miaścinach Hrodzienskaj vobłaści: u Ašmianach, Babrovičach, Bahdanach, Dyndyliškach, Jodkievičach.