Курс еўра апусціўся ніжэй за даляр
Курс еўра апускаўся ніжэй за адзін даляр і складаў 0,9999. Потым еўрапейская валюта крыху вярнула пазіцыі — 1,0004.
12.07.2022 / 10:18
Апошні раз парытэт даляра і еўра назіраўся ўвосень 2002 года. Да гэтага еўра каштаваў танней за даляр (да 0,83), аднак, у 2003-м еўрапейская валюта пачала расці і з тых часоў была даражэйшая за даляр, дасягаючы часам 1,6 даляра.
Зніжэнне еўра звязваецца з некалькімі фактарамі, у тым ліку павышэннем ставак Федэральнай рэзервовай сістэмы ЗША, а таксама рэцэсіяй у Еўропе і праблемай з пастаўкамі энергарэсурсаў.