Siarod biełarusaŭ, jakija paciarpieli ŭ DTZ u Rasii, troje dziaciej
U Ministerstvie nadzvyčajnych situacyj 14 lipienia ŭdakładnili źviestki pra biełarusaŭ, jakija trapili ranicaj u sieradu ŭ DTZ u Arłoŭskaj vobłaści Rasii. Usie dzieviać paciarpiełych źjaŭlajucca hramadzianami Biełarusi, siarod ich troje dziaciej, a nie adno, jak paviedamlałasia napiaredadni.
14.07.2022 / 12:49
Piać čałaviek špitalizavanyja z traŭmami roznaj stupieni ciažkaści, u tym liku dvoje dziaciej — 8-hadovy chłopčyk i 12-hadovaja dziaŭčynka.
Usiaho ŭ aŭtobusie jechali 19 pasažyraŭ, u tym liku šeść dziaciej, i dva kiroŭcy, usie jany taksama źjaŭlajucca hramadzianami Biełarusi.
«Mahiloŭabłaŭtatrans» adpraviŭ u Arłoŭskuju vobłaść dva aŭtobusy dla dastaŭki pasažyraŭ da miesca pryznačeńnia i, pa žadańni ludziej, dla viartańnia ŭ Biełaruś.
Avaryja zdaryłasia a siomaj ranicy 13 lipienia ŭ Livienskim rajonie Arłoŭskaj vobłaści na trasie Aroł — Tamboŭ. Aŭtobus, što jechaŭ u Mahiloŭ z Lermantava (Krasnadarski kraj), vyjechaŭ na sustrečku i sutyknuŭsia z hruzavikom.