Міжнароднае агенцтва Fitch адклікала рэйтынгі трох беларускіх кампаній
Міжнароднае рэйтынгавае агенцтва Fitch Ratings адклікала рэйтынг фінансавай устойлівасці страхоўшчыкаў (IFS) беларускіх страхавых кампаній. Прычына — адсутнасць дастатковага доступу да інфармацыі для падтрымання рэйтынгаў.
15.07.2022 / 14:03
Fitch больш не будзе прадастаўляць рэйтынгі або аналітыку па трох беларускіх страхавых кампаніях, удакладняюць у агенцтве. Гаворка ідзе пра «Беларускую нацыянальную перастраховачную арганізацыю», «Белдзяржстрах» і «Экспартна-імпартную страхавую кампанію».
Раней агенцтва Fitch панізіла доўгатэрміновы рэйтынг Беларусі ў замежнай валюце з узроўню ССС да пераддэфолтнага С, што азначае або пачатак дэфолту, або працэсу, падобнага да дэфолту, або бяздзейнасць эмітэнта. Так агенцтва адрэагавала на нядаўняе рашэнне беларускага ўрада і Мінфіна выконваць абавязацельствы па еўрааблігацыях у беларускіх рублях.
Пазней беларускі Мінфін адрэагаваў на паніжэнне доўгатэрміновага рэйтынгу, заявіўшы, што гэта суб'ектыўнае рашэнне.