Mihranty nie spyniajuć sprob patrapić u Polšču praź Biełaruś
U subotu, 16 lipienia, mihranty znoŭ sprabavali nielehalna patrapić u Polšču z terytoryi Biełarusi. Pra heta paviedamlaje pres-słužba Pamiežnaj słužby Polščy. U Biełaruś jany pryjazdžajuć praz Rasiju.
17.07.2022 / 11:10
Fota: Tvitar polskaj Pamiežnaj słužby
Usiaho ŭ subotu nielehalna trapić na terytoryju Polščy sprabavali 14 zamiežnikaŭ. Heta hramadzianie Nihieryi, Hany, Turcyi i Kamieruna. Jany pierasiakali miažu na terytoryi pamiežnych pastoŭ «Biełavieža», «Čaremcha» i «Płaska».
Usie zatrymanyja zamiežniki, jak śćviardžajuć polskija pamiežniki, pryjechali ŭ Biełaruś z Rasii.
Za dzień da taho, 15 lipienia, na terytoryju Polščy z terytoryi Biełarusi sprabavali trapić 23 čałavieki. Jak udakładniali polskija pamiežniki, u zamiežnikaŭ byli rasijskija vizy. Vidavočna, havorka pra vizy, jakija dazvolili zamiežnikam patrapić na terytoryju JEAES.
30 červienia Polšča paviedamiła pra zaviaršeńnie budaŭnictva płota na miažy ź Biełaruśsiu. Jaho daŭžynia składaje 186,25 km, na budaŭnictva spatrebiłasia 49 tys. ton stali. Košt prajekta aceńvajecca ŭ 353 młn. jeŭra. Da siaredziny vieraśnia płot płanujuć abstalavać elektronnymi srodkami: datčykami ruchu, videakamierami i ciepłavizar.