Biełarus padrabiŭ numar na mašynie, kab jaho nie skrali. Ale skončyłasia heta kiepska
Adzin čałaviek pastaviŭ na mašynu padrobleny numar, bo bajaŭsia, što za miažoj jaho vykraduć. Kali ž viartaŭsia dachaty, to mytniki zaŭvažyli padrobku, i ciapier parušalniku pahražaje da dvuch hadoŭ pazbaŭleńnia voli, paviedamlaje Kamitet sudovych dekśpiertyz.
18.07.2022 / 21:31
Biełarus, viartajučysia dadomu na asabistym aŭtamabili, pry pierasiačeńni miažy z boku adnoj z susiednich dziaržaŭ byŭ spynieny supracoŭnikami mytni, u jakich uźnikli sumnievy ŭ sapraŭdnaści dziaržaŭnych rehistracyjnych znakaŭ aŭtamabila. U suviazi z hetym było pryniata rašeńnie vyklučyć numarnyja znaki i nakiravać ich na ekśpiertyzu.
Sudovym ekśpiertam było ŭstanoŭlena, što rehistracyjnyja znaki vyrablenyja nie na śpiecyjalizavanym pradpryjemstvie: na numarach adsutničali tavarnyja znaki pradpryjemstva — vytvorcy płaścin, a taksama achoŭnyja elemienty, jakija nanosiacca na sapraŭdnych znakach.
Jak rastłumačyŭ uładalnik aŭtamabila, rehistracyjnyja znaki jon kupiŭ u internet-kramie, pakolki bajaŭsia, što za miažoj numary vykraduć — tamu i vyrašyŭ časova pastavić padrobku.
Za padrobku rehistracyjnaha (numarnoha) znaka transpartnaha srodku ŭ adpaviednaści z č. 1 artykuła 381 Kryminalnaha kodeksa Biełarusi moža pahražać da dvuch hadoŭ pazbaŭleńnia voli.