U Minsku administratarka kłuba ŭciahvała zvolnienych tancoŭščyc u prastytucyju
U Minsku administratarka arhanizavała ŭ stryptyz-kłubie bardel, paviedamlaje milicyja.
25.07.2022 / 17:45
Na 25-hadovuju dziaŭčynu vyjšli supracoŭniki ŭpraŭleńnia pa supraćdziejańni złačynstvam u sfiery noravaŭ MUS. Ustanoŭlena, što minčanka padšukvała tancorak, zvolnienych z kłubaŭ za parušeńnie pracoŭnaj dyscypliny, i aktyŭna ŭklučała ich u prastytucyju. Intymnyja pasłuhi akazvalisia ŭ asobnym pamiaškańni pad vyhladam pryvatnaha tanca ŭ džakuzi.
Toje samaje džakuzi. Skrynšot MUS.
Złamyśnica viedała zamožnych kłijentaŭ i pry ich źjaŭleńni va ŭstanovie nakiroŭvała dziaŭčat dla akazańnia pasłuh. Nielehalnaj dziejnaściu zajmalisia i inšyja rabotnicy — aficyjantki i sama administratarka kłuba.
Vyjaŭlenyja nie mienš za 6 paciarpiełych, jakich arhanizatar kryminalnaha biznesu vykarystała dla akazańnia pasłuh. Raniej dziaŭčaty nie zajmalisia prastytucyjaj.
Zaviali kryminalnuju spravu.