Anatol Čubajs trapiŭ u reanimacyju ź dziŭnymi simptomami
Viadomy rasijski palityk i bizneśmien Anatol Čubajs patrapiŭ u adnu ź jeŭrapiejskich klinik z dyjahnazam sindrom Hijena — Bare. Jaho stan aceńvajecca jak siaredniaj ciažkaści, paviedamiła ŭ telehramie Ksienija Sabčak.
31.07.2022 / 18:49
Pa słovach Sabčak, Čubajsu raptoŭna stała drenna, u jaho stali adymacca ruki i nohi.
Sindrom Hijena — Bare — heta dastatkova redki stan arhanizma, pry jakim imunnaja sistema čałavieka bje pa ŭłasnych pieryfieryčnych niervach.
66-hadovy Čubajs źjaŭlaŭsia adnym ź niamnohich ekanamičnych refarmataraŭ 1990-ch hadoŭ, jakija da 2022 hoda zastavalisia va ŭradzie Pucina i padtrymlivali ciesnyja suviazi z zachodnimi čynoŭnikami. Jon źjechaŭ z Rasii pry kancy sakavika, praź miesiac paśla pačatku vajny.
Naturalnym čynam uźnikajuć viersii, što Čubajsa mahli atrucić. Pakoj, dzie znachodziŭsia palityk, kali adčuŭ siabie drenna, abśledavali śpiecyjalisty ŭ kaściumach chimičnaj abarony. A supracoŭniki palicyi apytvali ŭsich śviedak, paviedamlaje telehram-kanał «Ostorožno, novosti», jaki naležyć Ksienii Sabčak.
Simptomy sindroma Hijena — Bare, papiarednie dyjahnastavanyja ŭ Čubajsa, vielmi padobnyja na simptomy atručvańnia.