Vialikabrytanija pasłabiła antyrasijskija sankcyi ŭ śfiery strachavańnia sudnaŭ i samalotaŭ
Urad Vialikabrytanii dazvoliŭ akazvać pasłuhi pa strachavańni i pierastrachavańnia sudnaŭ, samalotaŭ i kampanientaŭ da ich kontrahientaŭ, źviazanych z Rasijaj, vynikaje z paviedamleńnia departamienta mižnarodnaj handlu Brytanii.
01.08.2022 / 20:31
Fota ilustracyjnaje
Źmieny ŭniesienyja ŭ hienieralnuju licenziju ŭ ramkach sankcyj suprać Rasii.
«Heta dazvalaje pradastaŭlać strachavańnie i pierastrachavańnie asobie, źviazanaj z Rasijaj, u dačynieńni da punktaŭ, zhadanych u punkcie 1 (a), z ulikam bolš šyrokich abmiežavańniaŭ i ŭmoŭ licenzii», — havorycca ŭ paviedamleńni.
U punkcie 1 (a) licenzii havorka idzie pra sudny, samaloty, avijacyjnyja hazaturbinnyja ruchaviki i kampanienty da ich. Heta nie tyčycca tavaraŭ vajskovaha pryznačeńnia abo vajskovych technałohij.
21 lipienia sankcyi suprać rasijskaj avijacyjnaj haliny źmiakčyŭ i Jeŭrapiejski sajuz. Techničnaja padtrymka ŭ hetaj halinie budzie akazvacca «ŭ toj stupieni, u jakoj heta nieabchodna, kab zabiaśpiečyć pracu IKAO pa raspracoŭcy techničnych standartaŭ».