Ofis Cichanoŭskaj pierad kanfierencyjaj Novaj Biełarusi zapuściŭ apytańnie
U Ofisie Śviatłany Cichanoŭskaj zapuścili zbor mierkavańniaŭ biełarusaŭ pierad kanfierencyjaj Novaj Biełarusi, zapłanavanaj na 8-9 žniŭnia. Paviedamlajecca, što pierad kanfierencyjaj Ofis chacieli b atrymać zvarotnuju suviaź ad biełarusaŭ, i z dapamohaj anłajn-apytańnia dać prava « adkryta i padrabiazna vykazacca kožnamu, chto nie zmoža prysutničać na kanfierencyi».
01.08.2022 / 21:28
Inicyjatary apytańnia chacieli b atrymać adkazy na pytańni, jak nablizić demakratyčnuju Biełaruś i jakija namahańni dapamohuć heta zrabić, što Ofis robić nie tak i što treba ŭmacavać, a što źmianić u supolnaj pracy?
Apublikavanaja forma źmiaščaje try pytańni, jakija praduhledžvajuć adkrytyja adkazy. Jak adznačajuć u pres-słužbie Śviatłany Cichanoŭskaj, Ofis palityka hatovy i da prapanoŭ, i da krytyki.