69% расіян ніколі не адпачывалі за мяжой
Такія вынікі апытання ў рамках штотыднёвага ўсерасійскага пакватэрнага апытання, што прайшло 12-24 ліпеня ў 104 населеных пунктах. Апытаныя былі 1500 рэспандэнтаў.
03.08.2022 / 11:01
Паводле апытання, 69% ніколі не выязджалі за мяжу, дзевяць працэнтаў былі за мяжой дзесяць і болей гадоў таму, а шэсць працэнтаў — ад пяці да 10 гадоў таму. За апошні год выязджалі ўсяго два працэнты.
Прычым колькасць тых, хто нікуды не выязджаў, вырасла за апошнія два гады. У 2020 годзе такіх было 60 працэнтаў.
З унутранымі паездкамі па краіне таксама ўсё складана, 30% нікуды не выязджалі, а 17% падарожнічалі 10 і болей гадоў таму.
Аддаюць перавагу паездкам у Сочы і курортам Краснадарскага краю (35%), Санкт-Пецярбургу, Маскве, Крыму, які ў апытанні прадстаўлены расійскім рэгіёнам (па 19%).