Zatrymali dyrektarku turystyčnaha ahienctva «Vijapol» Halinu Patajevu
U praŭładnych telehram-kanałach zjaviłasia infarmacyja pra zatrymańnie kiraŭnicy turystyčnaha ahienctva «Vijapol» i vykładčycy kafiedry ekanamičnaj hieahrafii BDU Haliny Patajevaj.
03.08.2022 / 17:24
Fota: Fejsbuk
Žančynie inkryminujuć udzieł u pratestach 2020 hoda. Jana, pa słovach siłavikoŭ, «aktyŭna padtrymlivała ŭdzielnikaŭ masavych biesparadkaŭ» i «zajmałasia raspaŭsiudžvańniem ekstremisckich materyjałaŭ». Taksama ŭ jaje na staronkach u sacyjalnych sietkach nibyta byli łahatypy niezaležnych SMI i nacyjanalnaja simvolika.
Kampanija «Vijapol» ładziła biełaruskamoŭnyja ekskursii.